Diagrama de Voronoi coas capitais de Galicia
Un diagrama de Voronoi é unha descomposición dun espazo métrico en rexións, asociada á presenza de obxectos, de tal xeito que en dita descomposición a cada obxecto se lle asigna unha rexión do espazo métrico formada polos puntos que son máis cercanos a el que a ningún dos outros obxectos.
É dicir, o diagrama vén ser unha división do espazo en tantas rexións como puntos teñamos de tal xeito que a cada punto lle asignamos a rexión formada por aquilo que está máis cerca del que de ninguén.