Triángulo obtido dividindo un segmento en tres partes
Un segmento AB divídese en tres anacos mediante os puntos X, Y (situados a distancias x, y do punto A). Quérese estudar a probabilidade de que os tres anacos de segmento poidan formar un triángulo.
Para iso, suponse o segmento de lonxitude 1 e represéntanse nos eixos coordeandos as distancias x, y, de xeito que o espazo mostral é un cadrado de lado 1.
Na presente aplicación obtivéronse 1000 puntos en dito cuadrado distribuídos aleatoriamente. En vermello poden verse aqueles que permiten formar un triángulo e en verde aqueles que non. Activando a animación márcase, cun círculo azul, cada un deses 1000 puntos, e na parte esquerda da pantalla pode comprobarse se se pode formar ou non o triángulo.